Apple şirkəti iPhone 14-ü təqdim etdi

Aylardır gözlənilən Apple iPhone 14 qiymətləri və xüsusiyyətləri 7 Sentyabr Çərşənbə günü etibarilə təqdimatla müəyyənləşdi. Xüsusiyyətləri və qiyməti ilə təqdim edilən iPhone 14-ün kamera xüsusiyyətləri ön plana çıxarkən, hərəkət rejimi ən diqqətçəkən özəlliyi oldu. Apple, iPhone 14’ün qiymətini 799 dollar, iPhone 14 Plus’ın qiymətini isə 899 dollar olaraq açıqlayıb. Texnologiya nəhənginin telefonlarda fövqəladə hallar üçün peyklə əlaqəli yardım çağırışı xüsusiyyətinin təqdim edilməsi promosyona damğasını vurdu. Azərbaycanda iPhone 14 qiymətləri 3000-5000 arası dəyişəcək. Apple təqdimat zamanı həmçinin iPhone 14 Pro və İPhone 14 Pro Max qiymətlərini də açıqladı. Beləki iPhone 14 Pro’nun 999 dollar, iPhone 14 Pro Max’ın isə 1099 dollar olduğu açıqlandı.

 

iPhone 14 xüsusiyyətləri nələrdir?

iPhone 14 Pro 6,1 düym, 14 Pro Max isə 6,7 düym olacaq. iPhone 14 Pro-da A16 Bionic prosessoru var. 48 MP kamera hələ də Pro modelində yerini tutarkən, sensorun yüzdə 65 böyüdüldüyü açıqlanıb.Phone 14-də ilk dəfə olaraq ön kamerada avtofokus funksiyasından istifadə edildi. A15 çipi iPhone 14 və 14 Plus-da istifadə olunur. Telefonlar artıq SİM kartlardan istifadə etməyəcək.Telefonlarda fövqəladə hallar üçün peyklə əlaqəli kömək istəmə funksiyası var. İnternet şəbəkəsi olmasa belə, təcili zəng edilə biləcək.

 

iPhone 14 Pro

Ekran: 6,7 düym Super Retina XDR

Prosessor: A15 Bionic

Əməliyyat sistemi: iOS 16

RAM: 6 GB

Yaddaş: 128-256-512 GB

Ön kamera: 12MP

Arxa kamera: 12 MP + 12 MP

Batareya: 4.323 mAh (25W sürətli doldurma)

 

iPhone 14 Pro-da ön kamera hissəsi dəyişdirildi.

Apple, 2017-ci ildə təqdim etdiyi iPhone X ilə istifadə etməyə başladığı ön kamera dizaynını iPhone 14 Pro-dan etibarən dəyişdirdi. Keçən il çıxan iPhone 13 seriyasındakı ön kamera hissəsinin daralmasına baxmayaraq, tənqidlər səngimədi. ABŞ şirkəti kritik bir qərar verdi və iPhone 14 Pro-dakı ön kamera hissəsini  tamamilə dəyişdirdi.

iPhone 14-dəki Face ID əvvəlki modeldən 20 faiz kiçikdir.

 

iPhone mini ləğv edildi !

iPhone mini həvəskarları üçün Apple-dan pis xəbər gəldi. Apple, iPhone mini satışlarının istənilən səviyyədə olmaması səbəbiylə ləğv edildiyini açıqladı. Şirkət indi yalnız iPhone 14 və iPhone 14 Plus və Pro modellərini istehsal edəcək.

 

Yeni iPhone 14 ailəsinin 5 maraqlı xüsusiyyəti

1. Arxa kameralar indi daha güclüdür.

Gözlənildiyi kimi, Apple yeni iPhone-lara daha təkmil kameralar daxil edib. iPhone 14 və 14 Plus versiyaları üçün əsas kamera ƒ/1,5 apertura ilə 12 MP 26 mm çəkə bilir. 12 meqapiksellik ultra geniş kamera 13 mm, ƒ/2,4 diafraqma və 120 dərəcə baxış sahəsinə malikdir.Bununla da yeni modellə yeni çəkilişlər artıq daha uğurlu olacaq!.

 

2. Təkmilləşdirilmiş ön kameralarla daha uğurlu Vloglar…

iPhone 14lər’in yeni TrueDepth ön kamerası inkişaf etmiş avtofokus xüsusiyyəti və daha geniş diafraqma ilə daha uğurlu vlog məzmunu hazırlamağa imkan verir. Avtofokus ilk dəfə iPhone ön kamerasında istifadə olunur. Bu xüsusiyyət ilə zəif işıqda daha sürətli fokuslanmaq və uzaqdan qrup çəkilişləri etmək mümkün olduğu halda, hərəkətli çəkilişlərdə də uğurlu nəticələr əldə etmək mümkündür.

 

3. Sürətli doldurma və bütün gün davam edən batareya

Yeni iPhone’lar təxminən 30 dəqiqə ərzində (düzgün adapterlə) 50 faizə qədər enerji yığa bilər. Baxmayaraq ki, yalnız video oynatma və qeyd üçün sınaqdan keçirilsə də, batareya performansını itirmədən iPhone 14’də 20-26 saat, Pro modelində isə 23-29 saat işləməyə davam edir.

 

4. Pro modelləri “Always On Display” ilə gəlir.

Pro versiyalarında "Həmişə Ekranda" funksiyası var. Başqa sözlə, istifadəçilər ekran kilidləndikdə belə əsas bildirişləri görə bilərlər.

 

5. iPhone 14 ailəsində kameraya gətirilən diqqətçəkən"hərəkət rejimi".

Apple iPhone 14 modellərinin hamısına hərəkət rejimi əlavə edib. Xüsusi olaraq qaçış/gəzinti zamanı video çəkmək üçün telefonun kamera sistemlərinə əlavə edilən bu rejim Apple tərəfindən belə təsvir edilir: “Video hərəkət zamanı çəkilsə belə güclü sarsıntılara, hərəkətlərə və vibrasiyalara uyğunlaşan inanılmaz aydın videolar üçün yeni Hərəkət rejimi.” Rich DeMuro tərəfindən paylaşılan real istifadə, iPhone 14-lərin həqiqətən effektiv hərəkət rejimi performansı göstərdiyini ortaya qoydu. Bu rejim, iPhone ilə video çəkmə həvəskarlarının məmnuniyyətinə səbəb oldu.